काठमाडौं । घोडिघोडा लघुवित्त वित्तीय संस्थाको आज शुक्रबार देखि आइपीओ खुल्ला भएको छ । कम्पनीले प्रतिकित्ता १०० रुपैयाँ दरले १ लाख ३२ हजार ६०० कित्ता आइपीओ खुल्ला गरेको हो । यसमध्ये १ हजार ३८० कित्ता कम्पनीका कर्मचारी र ९ हजार ६३० कित्ता सेयर सामूहिक लगानी कोषहरुलाई छुट्याइएको छ ।
बाँकी १ लाख २४ हजार ५९० कित्ता सेयरमा सर्वसाधारणले आवेदन दिन सक्नेछन् । लगानीकर्ताले धितोपत्र बोर्डबाट सिआश्वा अनुमति प्राप्त बैंक तथा वित्तीय संस्था र तिनका सम्पूण कार्यालय तथा मेरोशेयरबाट समेत आवेदन दिन सक्नेछन्। उक्त आईपीओमा न्यूनतम १० कित्ताका लागि एक हजार रुपैयाँदेखि एक हजार कित्ताको लागि एक लाख रुपैयाँसम्मको आवेदन दिन सक्नेछन्।
आईपीओमा आवेदन दिने अन्तिम दिन असार २५ गते बुधबारसम्म रहेको छ।आइपीओबाट जम्मा भएको रकममध्ये ५० लाख रुपैयाँ कृषि क्षेत्र, ३२ लाख ६० हजार रुपैयाँ व्यापार व्यवसाय र ५० लाख रुपैयाँ लघु उद्यम कर्जामा उपयोग गरिने कम्पनीले जनाएको छ ।
घोडिघोडाले आइपीओ बिक्रीपछि चुक्ता पुँजी २ करोड ७६ लाख २५ हजार रुपैयाँ पुर्याउने छ । यसैगरी, आर्थिक वर्ष २०७६/७७ मा ३ करोड ३१ लाख ५० हजार र आव २०७७/७८ मा ४ करोड ६४ लाख १० हजार रुपैयाँ चुक्ता पुँजी पुर्याउने प्रक्षेपण गरेको छ ।
२०७६ असार २० गते प्रकाशित
वि.सं.२०७६ असार २० शुक्रवार १०:२९ मा प्रकाशित
