काठमाडौं। घोडीघोडा लघुवित्त वित्तीय संस्थाको आईपीओ खरिदका लागि आवेदन दिने आज मंगलबार अन्तिम अवसर हो । यस संस्थाको आईपीओ खुलेको आज तेस्रो दिनसम्ममा माग भन्दा ३० गुणा बढी आवेदन परेको छ ।
सोमबारसम्म २ लाख १३ हजार ८०० आवेदन परेको सेयर निष्कासन तथा प्रवद्र्धनको जिम्मा पाएको प्रभु क्यापिटल लिमिटेडले जनाएको छ । ३७ लाख ५१ हजार कित्ता सेयरका लागि आवेदन दिइएको छ , यो कुल निष्काशित सेयर इकाइको ३०.१० गुणाभन्दा बढी हो । सेयर खरिद आवेदनको अन्तिम दिन मंगलबार आज यो अनुपात अझै १० गुणाले बढ्न सक्ने अनुमान सहजै लगाउन सक्निछ ।
कञ्चनपुरको बेलौरीमा रहेको घोडीघोडा लघुवित्तले गत असार २० गतेबाट आईपीओमा आवेदन खुला गरेको थियो। कम्पनीले प्रतिकित्ता एक रुपैयाँ अंकित एक करोड ३२ लाख ६० हजार रुपैयाँ बराबरको एक लाख ३२ हजार ६०० कित्ता साधारण सेयर निष्कासन गरेको छ।
कुल निष्काशनमा आउने आईपीओमध्ये १ हजार ३८० कित्ता सेयर यस कम्पनीका कर्मचारीलाई र ६ हजार ६३० सामूहिक लगानी कोषहरुलाई सुरक्षित गरिएको छ भने बाँकी रहेको १ लाख २४ हजार ५९० कित्ता सेयर सर्वसाधारणका लागि छुट्याइएको छ।
लगानीकर्ताले कम्तीमा १० कित्ता र अधिकतम १ हजार कित्ता खरिदका लागि आवेदन दिन सक्नेछन्। लगानीकर्ताले धितोपत्र बोर्डबाट सिआस्वा अनुमति प्राप्त बैंक तथा वित्तीय संस्था र तिनका सम्पूर्ण कार्यालय तथा मेरो सेयरबाट समेत सेयर खरिदको आवेदन दिन सक्नेछन् ।
२०७६ असार २४ गते प्रकाशित
वि.सं.२०७६ असार २४ मंगलवार ११:३३ मा प्रकाशित
