काठमाडौं । हिमालयन बैंकले ३० लाख युनिट ऋणपत्र बिक्री खुला गर्ने भएको छ । बैंकले ७ वर्ष अवधिको १०% हिमालयन बैंक डिबेन्चर २०८३’ नाममा ऋणपत्र जारी गर्न लागेको हो । साउन २ गते देखि ऋणपत्र बिक्रि खुला गर्ने बैंकले जनाएको छ । यसमध्ये १२ लाख युनिट सर्वसाधारणका लागि खुला गरिनेछ भने सामूहिक लगानी कोषलाई ५५ छुट्याइनेछ । यसआधारमा सामूहिक लगानी कोषहरुले ६० हजार युनिट पाउनेछन् । बाँकी १८ लाख युनिट भने बैंकले आफ्नै पहलमा अन्य संघ संस्थालाई बिक्रि गर्ने जनाएको छ । यस ऋणपत्रमा वार्षिक १०५ ब्याजदर पाइनेछ ।
रेटिङ एजेन्सी केयर रेटिङले यो ऋणपत्रलाई न्यून कर्जा जोखिम जनाउने ‘ग्रेड ए’ रेटिङ दिएको छ । यसमा बिक्री प्रबन्धकको काम लक्ष्मी क्यापिटलले गर्नेछ । बैंकले प्रतियुनिट १ हजार रुपैयाँ दरमा ऋणपत्र बिक्री गर्न लागेको होे । यो ऋणपत्रमा छिटोमा साउन ६ गतेसम्म आवेदन दिन सकिनेछ । त्यस अवधिमा आवश्यक मात्रामा बिक्री नभएमा भने साउन ३१ गतेसम्म भर्न सकिने बैंकले जनाएको छ ।
बैंकहरुले अतिरिक्त पुँजी जुटाउन ऋणपत्र जारी गर्ने क्रम पछिल्लो समयमा बढेको देखिन्छ । हिमालयन बैंकको सबै शाखा र सी–आस्वाको माध्यमबाट यसमा आवेदन दिन सकिनेछ । बिक्री प्रबन्धक लक्ष्मी क्यापीटल मार्केटबाट फारम प्राप्त गरी आवेदन बुझाउन पनि सकिनेछ ।
२०७६ असार २५ गते प्रकाशित
वि.सं.२०७६ असार २५ बुधवार १२:२२ मा प्रकाशित