काठमाडौं । घोडिघोडा लघुवित्त वित्तीय संस्थाको आइपीओ आज शुक्रबार बाँडफाँड भएको छ । आइपीओमा रितपूर्वक आवेदन दिएका २ लाख ८५ हजार ५६५ जनामध्ये १२ हजार ४५९ जनाले सेयर पाएका छन् । आइपीओमा ४९० जनाको आवेदन रद्द भएको बिक्री प्रबन्धक प्रभु क्यापिटलले जनाएको छ ।
घोडिघोडाले असार २० देखि २४ गतेसम्म कुल १ लाख ३२ हजार ६०० कित्ता सेयर निष्कासन गरेको थियो । जसमध्ये १ हजार ३८० कित्ता सेयर कर्मचारी र ६ हजार ६३० कित्ता सेयर म्युचुअल फन्डहरुलाई बाँडफाँट गरी बाँकी सेयर सर्वसाधारणलाई बिक्री गरिएको हो ।
२०७६ असार २७ गते प्रकाशित
वि.सं.२०७६ असार २७ शुक्रवार १२:२१ मा प्रकाशित