काठमाडौं । चौतारी लघुवित्त वित्तिय संस्थाले अघिल्लो आर्थिक वर्षको तुलनामा गत आर्थिक वर्षको चौथो त्रैमासमा खुद नाफा १७३.५६ प्रतिशतले बढेको वित्तीय विवरण सार्वजनिक गरेको छ । अघिल्लो वर्षको यसै अवधिमा एक करोड ३ लाख १७ हजार खुद नाफा आर्जन गरेको लघुवित्तले गत आर्थिक वर्षको सोही अवधिमा २ करोड ८२ लाख २४ हजार रुपैयाँ खुद नाफा आर्जन गरेको हो ।
कम्पनीले खुद ब्याज आम्दानी र सञ्चालन नाफामा बढोत्तरी गरेपछि खुद नाफा पनि बढेको हो । अघिल्लो वर्ष ५ करोड १४ लाख ५४ हजार रुपैयाँ खुद ब्याज आम्दानी गरेकोमा यसपालि बढाएर ९ करोड ५५ लाख ९६ हजार रुपैयाँ पुर्याएको छ ।
यस्तै, सञ्चालन नाफा पनि १ करोड ६२ लाख १ हजार रुपैयाँबाट बढाएर २ करोड ३८ लाख ४१ हजार रुपैयाँ पुर्याएको छ । हाल चौतारीको चुक्ता पुँजी १८ करोड ६० लाख रुपैयाँ रहेको छ । रिजर्भ कोषमा ४ करोड ३२ लाख १ हजार रुपैयाँ छ ।
२०७६ साउन ५ गते प्रकाशित
वि.सं.२०७६ साउन ५ आइतवार १३:४२ मा प्रकाशित