काठमाडौं । क्लासिक टेक प्रा. लिले नेपालमा इन्टरनेट सेवा सुरु गरेको १० बर्ष पुरा भएको छ ।
विश्वकै उत्कृष्ट जिपिओएन प्रविधिबाट फाईबर इन्टरनेट सेवा प्रदान गर्दै क्लासिक टेकले नेपालको विभिन्न मुख्य सहरहरुमा सेवा उपलब्ध गराईसकेको छ । नेपालको ७७ वटै जिल्लामा नेटवर्क बिस्तार गरि सकेको छ । साथै २१ वटा भन्दा बढी शाखाको स्थापना गरि करिब ९०० दक्ष जनशक्तिहरुका माध्यमबाट निरन्तर आफ्ना ग्राहकहरुलाई सेवा प्रदान गरिरहेको छ ।
सो कम्पनीसँग हाल १०० जिबिपिएसको फाईबर ब्याकबोन रहेको छ भने एयरटेरल र टाटाबाट देशका तीन नाकाहरुबाट आफ्नै लगानीमा ईन्टरनेटको ब्यान्डविथ भित्र्याएको छ । यसका साथैं गुगल, फेसबुक, अकामाई तथा अन्य विभिन्न सर्भरहरु आफैले होस्ट गरेको छ । सो सर्भर र नेटवर्कको पूर्वाधारको कारणले नै गुणस्तरीय सेवा उपलब्ध गराउन सक्षम भएको कम्पनीले प्रेस विज्ञप्ति मार्फत जानकारी दिएको छ ।
आफ्नो दशौ बार्षिक उत्सवको उपलक्षमा क्लासिक टेकले मात्र रु. ४७१ प्रति महिनाको दरमा ५० एम्बिपिएस स्पीडको सेवा बजारमा ल्याएको छ । एक वर्ष सेवाको खरिदमा १० महिना बोनसको योजनाले उक्त दरमा सेवा उपलब्ध सम्म गराउने भएकोले कम्पनीले जानकारी गराएको छ ।
२०७६ साउन ६ गते प्रकाशित
वि.सं.२०७६ साउन ६ सोमवार १६:५७ मा प्रकाशित