काठमाडौं । ग्रामीण विकास लघुवित्त वित्तीय संस्थाले हालै आफ्नो चुक्त पुँजी ६५ करोड ५० लाखको ५०५ अर्थात ३२ करोड ७५ लाख मूल्यबराबरको हकप्रद सेयर निष्कासन गरेको थियो । जसमध्ये नबिकेको ५ लाख ८२ हजार ८४४ कित्ता सेयर भोलि बुधबारदेखि लिलामीमा राख्ने भएको छ । संस्थाले रु. १०० अंकित ३२ लाख ७५ हजार कित्ता हकप्रद सेयर निष्कासन गरेकोमा जम्मा २६ लाख ९२ हजार १५६ कित्ता सेयरका लागि ५० हजार २८७ वटा आवेदन परेको थियो । यो कुल निष्काशित हकप्रद सेयरको ८२.२१५ हुन आउँछ ।
संस्थाले नबिकेको १७.७९५ हकप्रद सेयर लिलामीमा राख्न लागेको हो । जसमा संस्थापक समूहतर्फको ३ लाख ९२ हजार ३९३ कित्ता र सर्वसाधारण समूहतर्फ १ लाख ९० हजार ४५१ कित्ता लिलामीमा राखिने छ । लगानीकर्ताले साउन १५ गतेसम्म न्यूनतम रु १०० वा सोभन्दामाथि दररेट कायम गरी गोप्य शिलबन्दी पेस गर्नुपर्ने छ । सेयरको बिक्री प्रवद्र्धकमा एनआईबीएल एस क्यापिटल लिमिटेड रहेको छ ।
लगानीकर्ताले एनआईबीएल एस क्यापिटलको लाजिम्पाटस्थित कार्यालय तथा शाखा कार्यालयहरु लालदरबार काठमाडौँ, लेगनलेख ललितपुर, चिप्लेढुंगा पोखरा, ट्राफिकचोक बुटवल, आदर्शनगर वीरगन्ज र गोल्छाचोक विराटनगरमा तथा नेपाल इन्भेस्टमेन्ट बैंक लिमिटेडका शाखा कार्यालयहरु नारायणगढ, हेटौँडा, बिर्तामोड, जनकपुर, तुलसीपुर, दाङ, सुर्खेत, नेपालगन्ज र धनगढीमा तथा ग्रिन डेभपलपमेन्ट बैंक लिमिटेड बागलुङमा बोलपत्र आवेदन दिन सक्नेछन् ।
संस्थाले आर्थिक वर्ष २०७५/७६ को तेश्रो त्रैमाससम्म १६ करोड ४४ लाख खूद नाफा आर्जन गरेको छ । यो लिलामीसहित कुल हकप्रद सेयर बिक्रीसँगै संस्थाको चुक्ता पुँजी ९८ करोड २५ लाख रुपैयाँ पुग्नेछ ।
२०७६ साउन ७ गते प्रकाशित
वि.सं.२०७६ साउन ७ मंगलवार १२:०५ मा प्रकाशित
