काठमाडौं । तलबमा अनिवार्य प्यान र ढुवानी साधनको अनुगमन प्रणाली (भिसिटिएस) को नियमलाई सरकारले तीन महिना को समय थप गरेको छ । सरकारले साउन १ देखि लागु गरेको यो व्यवस्था कार्यान्वयन गर्नको सरकारले तीन महिनाको समय थप गरेको नेपाल घरेलु उद्योग महासंघको टोलीसँग अर्थमन्त्री डा युवराज खतिवडाले जानकारी दिएका हुन्।
तीन महिनासम्म अहिलेको व्यवस्था लागु गर्दा कुनै कारवाही नहुँने अर्थमन्त्रीले प्रतिबद्धता जनाएको महासंघले जारी गरेको विज्ञप्तीमा उल्लेख गरिएको छ । प्यान, बैंक खातामार्फत तलब भुक्तानी, भिसिटिएस लगायतका अहिलेका नियमहरु केही समयका लागि लागु गर्न के कस्तो तयारी गर्नुपर्छ कार्यदलमार्फत सम्बोधन गरिने अर्थमन्त्री डा युवराज खतिवडाले बताएका छन् ।
अहिलेका प्रावधानहरु एकै पटक आएकाले समस्या जस्तो देखिएको भन्दै अर्थमन्त्री खतिवडाले यी प्रावधानहरु लागू गर्न मन्त्रालयले परीक्षण तथा प्रवद्र्धनको समय राखेको बताए । नेपाल घरेलु तथा साना उद्योग महासंघका पदाधिकारीसँग अर्थमन्त्रालयमा आयोजित अन्तरक्रियामा बोल्दै उनले यस्तो बताएका हुन् ।
२०७६ साउन ८ गते प्रकाशित
वि.सं.२०७६ साउन ८ बुधवार ११:०५ मा प्रकाशित
