काठमाडौं। आर्थिक वर्ष २०७५।७६ को सुरुवातदेखि नै सुधारको यात्रामा रहेको प्रभु बैंकले आर्थिक वर्ष सकिँदा उल्लेख्य प्रगति गर्न सफल भएको छ । अघिल्लो बर्ष ९६ करोड ७० लाख नाफा गरेको बैंकले यसपाली २ अर्ब ३ करोड नाफा आर्जन गरेको छ। बैंकले अघिल्लो वर्षको तुलनामा खुद नाफा ११२.०४ प्रतिशतले बढोत्तरी गरेको हो ।
बैंकले ब्यापार बिस्तार गरेर खुद आम्दानीमा उच्च सुधार गरेको छ। बैंकले ७३ अर्बको ऋणलाई ८६ अर्ब पुर्याएको छ। साथै ९७ अर्बको निक्षेपलाई १ खर्ब १२ अर्ब रुपैयाँ पुर्याएको छ।
किष्ट, ग्राण्ड, नेपाल बिकास बैंक जस्ता खराब कम्पनीलाई आफुमा मिसाएर पनि प्रभु बैंकले उदाहरणीय प्रगति गर्न सफल भएको हो ।
ब्यापार विस्तारका लागि चाहिने स्रोत जुटाएर बैंकले नाफा वृद्धि गरेको हो।
बैंकले केही पुराना डुबेका ऋण पनि यो अवधिमा उठाएको छ। पछिल्लो तीन महिनामा मात्रै बैंकक नाफा ५९ करोड ८३ लाख रुपैयाँले बढेको छ।
हेर्नुहोस वितृत विवरण
२०७६ साउन ९ गते प्रकाशित
वि.सं.२०७६ साउन ९ बिहीवार १०:२९ मा प्रकाशित
