काठमाडौं । नेपाल महिला संघ तदर्थ जिल्ला कार्यसमिति डडेल्धुराका सदस्यहरुमाथि नेपाली काँग्रेस डडेल्धुराका पदाधिकारीहरुद्धारा गालिगलौजका साथै कुटपिट भएको भन्ने घटनामा नयाँ तथ्य बाहिर आएको छ ।
नेपाल महिला संघ केन्द्रिय समितिद्धारा पुनः एक प्रेष विज्ञप्ति जारी भएको छ । जारी प्रेष विज्ञप्तिमा उल्लेख छ – ‘ डडेल्धुरा महिला संघको तेस्रो जिल्ला अधिवेशन संचालन हुन नसकेको हुनाले र पुरानै अध्यक्ष मनकुमारीले काम गरिरहेको सन्दर्भमा कमला विष्टले स्वघोषित अध्यक्ष बन्दै झगडा गरीरहेकोले केन्द्रबाट अधिवेशन सम्पन्न गराउनका लागि कलावति देवी बोहोराको नेतृत्वको टोलिले साउन ७ गते पार्टी कार्यालयमा बैठक बस्न लागेको समयमा कमला विष्टले पार्टीका पदाधिकारी लगायत कार्यकताहरु समेतलाई उक्साई कुटपिट गर्नुका साथै अराजक गतिविधी गरेका कारण निजलाई ३ वर्षका लागी साधारण सदस्य समेत नरहने गरी महिला संघ केन्द्रले निष्काशन गरेको छ । ‘
नीजहरुले महिला संघका कलावति देवि बोहोरा , बसन्ती भण्डारी लगायतलाई अपशब्द बोल्नुका साथै कुटपिट गरेका थिए ।
यस घटनाका सन्दर्भमा नेपाल महिला संघ केन्द्रिय समितिले विज्ञप्ति निकालेर घटनाको भर्त्सना गर्नुका साथै घाइतेहरुको उपचार र दोषि उपर कडा कारबाहिको माग गरेको थियो ।
२०७६ साउन १० गते प्रकाशित
वि.सं.२०७६ साउन १० शुक्रवार १७:३७ मा प्रकाशित