यातायात व्यवस्था विभागले मास प्रिन्टर ल्याउँदै, ५ महिना पछि एक दिनमै स्मार्टकार्ड दिने

काठमाडौं । स्मार्ट कार्ड छपाइ र उपलब्ध सहजताको यातायात व्यवस्था विभागले ल्याउने भनिएको मास प्रिन्टर चार–पाँच दिन भित्रै आइपुग्ने भएको छ ।

सम्पूर्ण जिम्मा विदेशी ठेकेदारलाई दिएको र सो प्रिन्टर लगभग चार–पाँच दिनमा नेपाल आइपुगेर सोहि प्रिन्टरबाट काम सुरु गरिने यातायात व्यवस्था विभागले जनाएको छ ।

लाइसेन्स नवीकरण र नयाँ आउने सबैलाई स्मार्ट कार्ड वितरण गर्नु पर्ने भएकोले विभागका लागि चुनौती भएसँगै मद्राश सेक्युरिटी प्रिन्टरबाट माक्स प्रिन्टर ल्याउन लागिएको हो ।मागअनुसारको आपूर्ति हुन नसकेकाले स्मार्ट कार्ड वितरण गर्न मुस्किल देखिएको छ । हाल यातायात व्यवस्था विभागमा ६ वटा साना प्रिन्टर भएको र ति प्रिन्टरले दैनिक २५ सय मात्र स्मार्ट कार्ड छापिरहेको छ ।

विभागका महानिर्देशक कुमार प्रसाद दाहाल स्मार्ट कार्ड नेपालका लागि नयाँ प्रविधि भएकाले माग अनुसार छापेर वितरण गर्न नसकेको स्वीकार्छन् । दैनिक १० हजार बराबरको स्मार्ट कार्ड छाप्ने नयाँ प्रिन्टर आएपछि एक बर्षसम्म स्मार्ट कार्डका लागि कुर्नु नपर्ने दाहालले बताएका छन् ।

एक बर्ष कुर्नु पर्ने स्मार्ट कार्ड लिन दैनिक ५ हजार देखि १० हजारसम्म सेवाग्राहीहरु आउने गरेको तथ्यांक छ । तर अब ५ महिना पछि एक दिनमै स्मार्ट कार्ड सेवा ग्राहीको हातमा दिने व्यवस्था विभागले गर्ने महानिर्देशकको भनाई छ ।

यातायात व्यवस्था विभागले २०७२ साल पुष ३ गतेदेखि स्मार्ट कार्डको वितरण गर्न थालेको हो ।

 

२०७६ साउन १४ गते प्रकाशित

२०७६ साउन १४ गते १४:४३ मा प्रकाशित

You can share this post!

वार्षिक डेढ करोड इँटा उत्पादन हुने चिनियाँ प्रविधिको उद्योग सञ्चालनमा आउने

शिखर इन्स्योरेन्सले ३० प्रतिशत हकप्रद जारी गर्ने

Related posts