काठमाडौं । नेपालमा मानिंदै आएको चाडवर्पहरु आ आफ्नै विशेषता बोकेका हुन्छन्, यसर्थ हरेक उत्सवहरू प्रायजसो विशेष हुन्छन्। परापूर्व काल देखि नै विभिन्न दिवस र पर्वहरुलाई मनाउँने प्रचलन नेपालमा छ ।
यसैगरी साउन १५ नेपाली पात्रोमा उल्लेख भएअनुसार आज खीर खाने दिन । खीरलाई साउन १५ को विशेष परिकार मानिन्छ । खिर सामान्य खाना मात्र नभई यसलाई शुद्ध पवित्र व्यञ्जन मानिन्छ । कृषि प्रधान देश र कृषक नागरिकहरु भएको नेपालमा खीर खाने दिनले नेपाली कृषकहरुको उपलब्धीलाई संकेत गर्दछ । असारमा धान बाली लगाइसकेपछि साउनमा रोपाईँको अन्त्यसँगै चामलबाट बनाइने पवित्र परिकार देवीदेवतालाई प्रसादको रुपमा चढाउने र आफुहरुले पनि सोहि प्रसाद हर्षाेल्लास पूर्वक बाँढेर खाने चलन चलिआएको छ
दुधमा चामल राखेर पकाइने खीरमा स्वादअनुसार घीउ, चिनी, नरिवल, काजु लगायतका गरम मसला राखि स्वादिष्ट बनाइन्छ । यसलाई बालबालिका देखि वृद्धवृद्धासम्मले स्वादिष्ट मानेर खाने गर्दछन् ।
२०७६ साउन १५ गते प्रकाशित
वि.सं.२०७६ साउन १५ बुधवार ११:५१ मा प्रकाशित
