काठमाडौं । एनएमबि ५० ले बिक्रीमा ल्याएको ईकाईमा आव्हान गरेको समायवधिमा कम आवेदन परेपछि आवेदनका लागि समय थपिएको छ । एनएमबि क्यापिटल अन्तर्गत सञ्चालन हुने एनएमबि ५० को एक अर्ब २० करोड रुपैयाँ बराबरको १२ करोड ईकाई बिक्रिका लागि राखिएको छ ।
साउन १६ गतेसम्ममा पनि आवश्यक आवेदन नपरेपछि सो इकाइ बिक्रिको लागि भन्दै कम्पनिले भदौ १० गतेसम्मका लागि समय थप गरेको बिक्री प्रबन्धक एनएमबि क्यापिटलले जनाएको छ। क्यापिटलले हालसम्म संस्थागत लगानीकर्ताको तर्फबाट आवेदन नपरेको बताएको छ ।
कम्पनिको प्रति ईकाई १० रुपैयाँका अंकित दरका १२ करोड ईकाई शेयर रहेको छ । जसमध्ये बिज पूँजी वापत १४ प्रतिशत कोष प्रवद्र्धक एनएमबि बैंक र १५ योजना व्यवस्थापक एनएमबि क्यापिटललाई छुट्याइएको । बाँकी १० करोड २० लाख इकाई सर्वसाधारणका लागि छुट्याई बिक्री खुला गरिएको छ ।
एनएमबि ५० ले शेयर बजारका ५० वटा उत्कृष्ट कम्पनीका शेयरमा लगानी गरी इकाईधनीलाई दोस्रो वर्षदेखि लाभांश वितरण गर्ने लक्ष्य राखेको छ । एनएमबी ५० ले निष्काशनको दोस्रो, तेश्रो र चौथो वर्ष १५ प्रतिशतका दरले तथा पाँचौँ, छैटौँ र सातौँ वर्ष २० प्रतिशतका दरले प्रतिफल वितरण गर्न सकिने प्रक्षेपण गरेको छ ।
सात वर्ष अवधिको बन्दमुखी प्रकृतिको यस फण्डमा लगानीकर्ताले न्यूनतम १०० ईकाईदेखि एक करोड २० लाख ईकाईसम्म आवेदन गर्न सक्नेछन । इच्छुक लगानीकर्ताले धितोपत्र बोर्डबाट आश्वा अनुमति प्राप्त बैंक तथा तिनको शाखा कार्यालय र मेरो शेयरबाट इकाईमा आवेदन दिन सक्नेछन्। ।
२०७६ साउन १६ गते प्रकाशित
वि.सं.२०७६ साउन १६ बिहीवार १२:५५ मा प्रकाशित
