काठमाडौं । सरकारले दुई वर्षदेखि रोक्का गरेको यातायात समितिको बैंक खाताको रकम यातायात समितिबाट रूपान्तरित कम्पनीले चलाउन पाउने भएका छन ।
मन्त्रिपरिषद्को बैठकले १६ साउनमा गरेको निर्णयअनुसार यातायात समितिको बैंक खातामा रहेको रकम रूपान्तरित कम्पनीको खातामा सार्ने व्यवस्था गरेको हो । सरकारले यातायात क्षेत्रमा सिन्डिकेट सञ्चालन गरेको भन्दै ०७४ मा बैंक खाता रोक्का गरेको थियो ।
समितिको चल–अचल सम्पत्ति राष्ट्रियकरण गर्ने भनेर रोक्का गरिएको भए पनि यातायात समिति कम्पनीमा रूपान्तरित भएकाले रकम सञ्चालन गर्न दिने निर्णय गरिएको सरकारी अधिकारीको भनाइ छ । यातायात व्यवसायी राष्ट्रिय महासंघका महासचिव सरोज सिटौलाले भने यातायात समितिको रोक्का गरिएको भवन, जग्गालगायतका सम्पत्ति पनि कम्पनीलाई खुला गर्नुपर्ने बताउनुभयो ।
मन्त्रिपरिषद्को निर्णयले खातामा रहेको रकम मात्र कम्पनीले चलाउन पाउने निर्णय गरेको छ । भवन वा जग्गाबारे कतै उल्लेख गरेको छैन ।
२०७६ साउन २० गते प्रकाशित
वि.सं.२०७६ साउन २० सोमवार १६:३८ मा प्रकाशित
