काठमाडौं । गुराँस लाइफ इन्स्योरेन्स कम्पनी लिमिटेड र एनएमबि क्यापिटल लिमिटेड बीच हकप्रद शेयर निस्काशन सम्बन्धि सम्झौता भएको छ ।
बिमा समितिको निर्देशन एवं चुक्ता पूँजी बृद्धि योजना अनुरुप कम्पनीको नवौं साधारण सभाबाट पारित १०० प्रतिशत (१ः१) हकप्रद शेयर निष्काशन गर्नको लागि एनएमबि क्यापिटल लिमिटेडलाई विक्री प्रबन्धक नियुक्त गरेको हो ।
सम्झौतामा गुराँस लाइफ इन्स्योरेन्स कम्पनी लिमिटेडको तर्फबाट प्रमुख कार्यकारी अधिकृत नारायण कुमार भट्टराई र एनएमबि क्यापिटलका प्रमुख कार्यकारी अधिकृत श्रीजेश घिमिरेले हस्ताक्षर गर्नुभएको छ ।
कम्पनीको २०७५/१२/२१ मा सम्पन्न ९ औं साधारण सभाबाट पारित बोनस शेयर सुचीकृत भई सकेको छ । कम्पनीले चुक्ता पुँजी २ अर्ब पुर्याउनका लागि बीमा समितिको स्वीकृती लिई प्रबन्धपत्रमा अधिकृत, जारी तथा चुक्ता पुँजी २ अर्ब राखी नेपाल सरकार कम्पनी रजिष्ट्रारको कार्यालयबाट संशोधन गरि सकिएको छ ।
२०७६ साउन २१ गते प्रकाशित
वि.सं.२०७६ साउन २१ मंगलवार ०९:३१ मा प्रकाशित