रोल्पा । रोल्पामा ६ करोडभन्दा बढीको तटबन्ध योजना सञ्चालन भएको छ । वर्षायाममा खोलाको बहाव बढेर विभिन्न बस्ती तथा खेतीयोग्य जमिन कटान गर्ने भएकाले उक्त जोखिमलाई कम गर्न रोल्पाका विभिन्न खोलामा उक्त योजना संचालन गरिएको हो ।
जिल्लाको एक नगरपालिका र ९ गाउँपालिकामा उक्त तटबन्धका योजना सञ्चालन गरिएको जनताको तटबन्धन आयोजना कार्यालय लमहीले जानकारी दिएको छ । जिल्लाको माडी खोलाको कटान रोक्न माडीचौरमा १ करोड, लुंग्री खोलाको कटान रोक्न सुलिचौरमा १ करोड, चुन्बाङ खोला र चप्काखोलाको कटान नियन्त्रण गर्न दुईखोलीमा पनि १ करोडको तटबन्ध योजना सम्पन्न गरिएको उपभोक्ता समितिका अध्यक्ष हरिप्रसाद खत्रीले जानकारी दिए । यस्तै परिवर्तन गाउँपालिकाको राङ्सीमा पहिरो रोक्न ५० लाखको योजना सञ्चालन गरिएको अध्यक्ष खत्रीले बताउनुभयो ।
यस्तै जिल्लाको धाङ्सी, फगाम, चक्री, जिवई र म्वाले खोला तटबन्धका लागि पनि ५०/५० लाखका दरले बजेट कार्यान्वयन भएको बताइएको छ ।
२०७६ साउन २१ गते प्रकाशित
वि.सं.२०७६ साउन २१ मंगलवार १५:१२ मा प्रकाशित
