काठमाडौं । पछिल्लो समयमा विमा कम्पनीहरुले आफ्नो लगानीको दायारा फराकिलो बनाउदै गएका छन । सहरी क्षेत्रमा केन्दित विमा कम्पनीहरु पछिल्लो समय गा्रमिणमखी लगानीमा लागेका छन । विमितबाट संकलन हुने विमा शुल्क बढ्दै गएपछि कम्पनीहरुको लगानी विस्तार हुँदै गएको हो ।
गत आर्थिक वर्ष २०७५र०७६ को असार मसान्तसम्म जीवन र निर्जीवन बिमा कम्पनीहरुले २ खर्ब ५८ अर्ब १३ करोड रुपैयाँ विभिन्न क्षेत्रमा लगानी गरेका छन । जीवन बिमा कम्पनीहरुले मात्र २ खर्ब २५ अर्ब १७ करोड रुपैयाँ, निर्जीवन बिमा कम्पनीहरुले ३२ अर्ब ९५ करोड रुपैयाँ लगानी गरेका छन ।
बिमा समितिको तथ्याङ्कअनुसार सबैभन्दा बढी नेपाल लाइफले ७१ अर्ब २३ करोड ९७ लाख रुपैयाँ लगानी गरेको छ । त्यसैगरी, लाइफ इन्स्योरेन्स कम्पनी नेपाल लिमिटेड (एलआईसी नेपाल)ले ४४ अर्ब ८९ करोड २६ लाख, नेसनल लाइफ इन्स्योरेन्स कम्पनी लिमिटेडले २६ अर्ब ७७ करोड ६ लाख रुपैयाँ र राष्ट्रिय बिमा संस्थानले १ अर्ब ९७ करोड २३ लाख रुपैयाँ लगानी गरेको समितिले जनाएको छ ।
समितिले उपलब्ध गराएको विवरण कुल कम्पनीमध्ये ७५ प्रतिशत बिमा कम्पनीको तथ्याङ्क हो । अझै २५ प्रतिशत बिमा कम्पनीहरुले तथ्याङ्क पठाउनै बाँकी छ । अघिल्लो आर्थिक वर्ष २०७४र०७५ मा बिमा कम्पनीहरुले कुल २ खर्ब ५ अर्ब २६ करोड रुपैयाँ लगानी गरेका छन । एक वर्षको अवधिमा बिमा कम्पनीको लगानी ५३ अर्ब रुपैयाँ बढेको छ ।
२०७६ साउन २१ गते प्रकाशित
वि.सं.२०७६ साउन २१ मंगलवार १७:१५ मा प्रकाशित
