काठमाडौं । अरुण काबेली पावरले गत आर्थिक वर्ष २०७५/७६ को चौथो त्रैमाससम्म आइपुग्दा २८ हजार ५ सय ९२ रुपैयाँ नाफा आर्जान गरेको छ ।
अघिल्लो वर्षको यसै अवधिमा अरुण काबेली १६ लाख १४ हजार ९ सय ८५ रुपैयाँ नोक्सानमा रहेको थियो । असार मसान्तसम्म अन्य स्रोतबाट २० लाख ५५ हजार ९ सय ६३ रुपैयाँ आम्दानी गरेको छ । जुन अघिल्लो वर्षको यसैअवधिको तुलनामा ५०.४६ प्रतिशतले बढी हो । कम्पनीले अघिल्लो वर्ष अन्य स्रोतबाट १३ लाख ६६ हजार ४ सय १३ रुपैयाँ कमाएको थियो ।
यता, अरुण काबेलीले हालसम्म विद्युत विक्रीबाट कुनै आम्दानी गर्न सकेको छैन । चौथो त्रैमाससम्म आइपुग्दा कम्पनीको सेयर पुँजी १ अर्ब ५० करोड रुपैयाँ रहेको छ । यसअवधिमा जगेडा कोष भने १ करोड ५५ लाख १० हजार ६ सय ३१ रुपैयाँ ऋणात्मक छ । यसको प्रतिसेयर नेटवर्थ ९८ रुपैयाँ ९७ पैसा रहेको छ ।
२०७६ साउन २२ गते प्रकाशित
वि.सं.२०७६ साउन २२ बुधवार १०:५६ मा प्रकाशित