काठमाडौं । नेपाली बजारमा सुनको भाउले धमाधम नयाँ रेकर्ड कायम गर्नेक्रम जारी छ ।
बुधवारमात्र ६९ हजार ५ सय रुपैयाँमा कारोबार भएको सुनको मुल्य विहीवार प्रतितोला ५ सयले बढेर ७० हजार पुगेको छ । जुन अहिलेसम्मकै उच्च मुल्य हो ।
नेपाल सुनचाँदी व्यवसायी महासंघका अनुसार तेजाबी सुनको मूल्य पनि प्रतितोला ५ सय रुपैयाँले बढेर ६९ हजार ५ सय रुपैयाँ र चाँदी प्रतितोला ८ सय २५ रुपैयाँमा कारोबार भएको छ ।
नेपाली बजारको सुनको मूल्य अन्तर्रा्ष्ट्रिय बजारका आधारमा निर्धारण हुन्छ । तसर्थ, अन्तर्रा्ष्ट्रिय बजारमा मूल्य चुलिएसँगै नेपाली बजारमा पनि त्यसको प्रत्यक्ष प्रभाव परेको हो ।
२०७६ साउन २३ गते प्रकाशित
वि.सं.२०७६ साउन २३ बिहीवार ११:१० मा प्रकाशित