काठमाठौं । देशभर ८६ प्रतिशत धान रोपाइँ सकिएको कृषि विभाग जनाएको छ । यो गत वर्षको भन्दा करिब ४ प्रतिशतले कमी हो । गत वर्ष सोही अवधिमा ३.६२ प्रतिशत धान रोपाइँ सकिएको तथ्याङ्कमा उल्लेख गरिएको छ ।
तथ्याङ्क अनुसार हालसम्म सबैभन्दा बढी धान रोपाइँ सुदुरपश्चिम प्रदेशमा ९५.३३ प्रतिशत सकिएको छ । कर्णाली प्रदेशमा ९४.१० प्रतिशत र प्रदेश ५ मा ८८.८६ प्रतिशत रोपाइँ सकिएको छ ।
त्यस्तै, गण्डकी प्रदेशमा ८६.५९, प्रदेश ३ मा ८८.६७ धान रोपाइँ सकिएको छ भने प्रदेश २ मा ८१.९९ प्रतिशत धान रोपाइँ सकिएको कृषि विभागको तथ्याङ्कले देखाएको छ ।
सबै भन्दा कम प्रदेश १ मा ८०.१३ प्रतिशत धान रोपाइँ भएको छ । भौगोलिक अवस्था अनुसार उच्च पहाडमा ८८.८४, मध्यपहाडमा ८६.६५ र तराइँमा ८५.६३ प्रतिशत रोपाइँ भएको तथ्याङ्कमा उल्लेख छ ।
२०७६ साउन २३ गते प्रकाशित
वि.सं.२०७६ साउन २३ बिहीवार १२:४७ मा प्रकाशित