काठमाडौं । लाइफ इन्सुरेन्स कर्पोरेसन नेपालले आज शुक्रबार (साउन २४ गते) वार्षिक साधारण सभा डाकेको छ ।
कम्पनीले आर्थिक वर्ष २०७४/७५ को नाफाबाट ३४.४६ प्रतिशत बोनस सेयर वितरण गर्ने विशेष प्रस्ताव सहित साधारण सभा बोलाएको हो ।
सभा नेपाल पुलिस क्लबको सभाहल, भृकुटीमण्डप काठमाडौंमा बिहान ९.३० बजे सुरु हुने छ । कम्पनीको प्रस्तावित ३४.४६ प्रतिशत बोनस सेयरपछि चुक्ता पुँजी २ अर्ब १ करोड रुपैयाँ पुग्नेछ ।
सभाले सञ्चालक समितिमा १ जना स्वतन्त्र र कम्तीमा एक जना महिलासहित ६ जना सञ्चालक रहने गरी नियमावलीमा संशोधन गर्नेछ ।
प्रबन्धपत्र तथा नियमावलीमा आवश्यक संशोधन गर्ने एजेन्डा पनि रहेको छ ।
२०७६ साउन २४ गते प्रकाशित
वि.सं.२०७६ साउन २४ शुक्रवार ०८:२३ मा प्रकाशित
