काठमाठौं । नेपाल धितोपत्र वोर्डले चुक्ता पुँजीको ६० प्रतिशत हकप्रद शेयर निष्काशनका लागि सिर्जना फाइनान्सलाई अनुमति दिएको छ ।
हकप्रद निष्काशनको लागि कम्पनीले २०७५ असोज २ गते धितोपत्र बोर्डमा आवेदन दिएको झण्डै ११ महिनापछि कम्पनीले हकप्रद निष्काशनको लागि अनुमति पाएको हो ।
फाइनान्सले १० बराबर ६ अनुपातमा एक सय रुपैयाँ अंकित दरका २४ लाख ४ हजार ८० कित्ता हकप्रद निष्काशनको अनुमति पाएको हो । फाइनान्सको हकप्रद शेयरको बिक्री प्रबन्धकमा सनराइज क्यापिटल रहेको छ ।
हाल फाइनान्सको चुक्ता पूँजी ४० करोड ६ लाख ८० हजार रुपैयाँ रहेको छ । फाइनान्सले ६० प्रतिशत हकप्रद बिक्री पश्चात ६४ करोड १० लाख ८८ हजार रुपैयाँ चुक्ता पूँजी पुग्नेछ ।
२०७६ साउन २४ गते प्रकाशित
वि.सं.२०७६ साउन २४ शुक्रवार ०८:५३ मा प्रकाशित
