काठमाडौं । प्रधानमन्त्री रोजगार कार्यक्रम अन्तर्गतको १ करोड रुपैयाँसम्मको आयोजना सञ्चालन गर्दा डोजर प्रयोग नगर्न श्रम, रोजगार तथा सामाजिक सुरक्षा मन्त्रालयले निर्देशन दिएको छ ।
प्राविधिक टोलीले सिफारिस गरेको अवस्थामा बाहेक श्रमिकको उपलब्धता भएसम्म श्रम मुलुक प्राविधिकको प्रयोग गर्न निर्देशन दिएको हो ।
एकातिर डोजर खरिद गर्दा र त्यसको पार्टपुर्जा र पेट्रोल खरिद गर्दा पैसा बिदेसिने र अर्कोतिर नेपाली युवा कामका लागि बिदेसिनुपर्ने अवस्था छ । त्यसले मेसिनले गर्ने काम पनि श्रमिकले नै गर्न पाए रोजगारी सिर्जना हुने मन्त्रालयको अपेक्षा छ ।
रोजगारीसँग जोडिन नसकेको वर्गलाई लक्षित गरी सरकारले प्रधानमन्त्री रोजगार कार्यक्रम सञ्चालनमा ल्याएको हो ।
२०७६ साउन २४ गते प्रकाशित
वि.सं.२०७६ साउन २४ शुक्रवार ०९:४० मा प्रकाशित
