काठमाडौं । नेपाल इन्सुरेन्सको ७.५० प्रतिशत बोनस सेयरमा मूल्य समायोजन भएको छ । समायोजनपछि आइतबार कम्पनीको सेयर कारोबार ३ सय २१ रुपैयाँ ८६ पैसालाई आधार मानेर खुल्नेछ ।
नेपाल इन्सुरेन्सले ७.५ प्रतिशत बोनस सेयर प्रस्ताव पारित गर्न भदौ ८ गते साधारण सभा बोलाएको छ । यसका लागि कम्पनीले आज शुक्रबार (साउन २४ गते) बुक क्लोज गरेको छ । साउन २३ गते बिहीबारसम्म कायम सेयरधनीले बोनस सुरक्षित गर्न सक्नेछन् ।
यो बोनस सेयरमा लाग्ने कर भने सेयरधनी आफैले तिर्नुपर्नेछ । साधारण सभा एयरपोर्ट होटल सिनामंगल, काठमाडौंमा बिहान ११ बजे सुरु हुनेछ । सभामा निर्जीवन बीमा व्यवसाय गर्ने उपयुक्त कम्पनीसँग गाभ्ने, गाभिने वा प्राप्ति सम्बन्धी विषयमा निर्णय गर्ने सम्पूर्ण अधिकार सञ्चालक समितिलाई प्रदान गर्ने प्रस्ताव पनि पेश हुनेछ ।
आर्थिक वर्ष २०७४/७५ को वार्षिक प्रतिवेदनसहित २०७५ असार मसान्त सम्मको वासलात लगायत अन्य प्रतिवेदन पारित गर्ने प्रस्ताव पनि पेश गरीनेछ । आर्थिक वर्ष २०७५/७६ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि छ ।
२०७६ साउन २४ गते प्रकाशित
वि.सं.२०७६ साउन २४ शुक्रवार ११:३८ मा प्रकाशित