काठमाडौं । आर्थिक वर्ष २०७५/०७६ मा करिब १० अर्बको धागो निर्यात भएको छ । धागो उत्पादक सङ्घले उपलब्ध गराएको तथ्याङ्कअनुसार विभिन्न देशमा ९ अर्ब ९५ करोड ४५ लाख बरारको धागो निर्यात भएको छ ।
सबैभन्दा बढी धागो भारतमा निर्यात भएको तथ्याङ्कले देखाएको छ । ६ अर्ब ८२ करोड ५३ लाख बराबरको धागो निर्यात भएको छ । ३ अर्ब १२ करोड ९२ लाख बरारको धागो तेस्रो मुलुकमा निर्यात भएको तथ्याङ्कले देखाएको छ ।
त्यस्तै २ अर्ब २७ करोड बराबरको धागो स्वदेशमा खपत भएको छ । सङ्घका अनुसार आव २०७५/०७६ मा रिलायन्स, त्रिभेनी र जगदम्बा स्पिनिङ्ग मिल्सले करिब करिब ४३ हजार मेट्रिक टन धागो उत्पादन गरेका थिए ।
ती मध्ये ३६ हजार मेट्रिक टन धागो बाहिर निर्यात भएको छ भने ७ हजार मेट्रिक टन धागो स्वदेशमा खपत भएको सङ्घले जनाएको छ ।
२०७६ साउन २४ गते प्रकाशित
वि.सं.२०७६ साउन २४ शुक्रवार १४:०८ मा प्रकाशित
