डोल्पा । शे-फोक्सुण्डो राष्ट्रिय निकुञ्ज डोल्पाले गत आर्थिक वर्ष २०७५/७६ मा ५ करोड ७१ लाख रुपैयाँ राजस्व संकलन गरेको छ ।
यार्सागुम्बा र सेतक चिनीलगायतका जडीबुटी, पर्यटक शुल्क वनपैदावर र चरिचरन अन्तर्गत उक्त राजस्व संकलन भएको निकुञ्ज कार्यालय सुलिगाडले जानकारी दिएको छ ।
निकुञ्जले यार्सागुम्बाको प्रवेश शुल्कबापत २ करोड ९२ लाख, संकलन अनुमतिपत्र बापत १ करोड ८३ लाख, सेतकचिनीको छोडपुर्जी वापत २ करोड १४ लाख रुपैयाँ संकलन गरेको हो ।
फोक्सुण्डो ताल हेर्न जाने पर्यटकबाट प्रवेश शुल्कबापत १८ लाख ७९ हजार रुपैयाँ उठाएको कार्यालयले जनाएको छ ।
२०७६ साउन २५ गते प्रकाशित
वि.सं.२०७६ साउन २५ शनिवार १५:२२ मा प्रकाशित