एनएमबि बैंकले लाभांश र १० वर्ष अघिको निक्षेप लैजान शेयरधनिलाई बोलायो

काठमाडौं । एनएमबि बैंकले आर्थिक वर्ष २०६९/७० देखिको लाभांश बैंकमा थन्किएको भन्दै ३५ दिनभित्र लैजान सेयरधनीलाई अनुरोध गरेको छ ।

आफ्ना सेयरधनीलाई बाँकी रहेको लाभांश लैजान सूचना जारी गरि अबको ३५ दिनभित्र पनि लाभांश नलगे लगानीकर्ता संरक्षण कोषमा पठाइने बैंकको भनाई छ ।

सेयरधनीले एनएमबि बैंकको सेयर रजिष्ट्रार कार्यालय नक्साल, काठमाडौंस्थित सेयर शाखामा सम्पर्क गरी लाभांश लिन सक्नेछन । लाभांश लिन जाँदा सेयरधनीले आफ्नो परिचयपत्र पनि बोक्नुपर्नेछ । साथै, २०६८–६९ सम्मको बाँकी लाभांश बैंकले लगानीकर्ता संरक्षण कोषमा पठाएको छ ।

यस्तो लाभांश लिन लगानीकर्ता यही कोषको कार्यालयमा जानुपर्ने हुन्छ ।  बैंकले १० वर्ष वा त्यसभन्दा बढी अवधिसम्म चल्तीमा नभएका र दाबी नपरेका निक्षेप खाताको रकम लिन समेत सम्बन्धी निक्षेपकर्ता र हकवालासँग आग्रह गरेको छ ।

२० वर्षसम्म पनि नलगेका रकम राष्ट्र बैंकको बैंकिङ विकास कोषमा जम्मा गरिने प्रावधान छ ।

२०७६ साउन २६ गते प्रकाशित

२०७६ साउन २६ गते १६:०३ मा प्रकाशित

You can share this post!

बागलुङमा धारिलो हतियार प्रयोग गरि एक दम्पतीको विभत्स हत्या

शिखर इन्सुरेन्सको मंगलबार एजिएम, ३०% हकप्रद जारी गर्ने

Related posts