काठमाडौं । केही दिनदेखि विभिन्न कारणले बढिरहेको सुनको भाउ रोकिने क्रममा छैन । बजारमा सुन शुक्रबार र शनिबार तोलाको ७० हजार रुपैयाँले कारोबार भयो ।
बुधबार सुन तोलाको ६९ हजार ५ सय रुपैयाँ थियो । चाँदी पनि तोलामा १० रुपैयाँले बढ्दै ८ सय २५ रुपैयाँ पुगेको छ । बितेको १० दिन मात्रै सुन तोलामा ५ हजारले बढिसकेको छ । यो मूल्य अहिलेसम्मकै उच्च हो । साउन लागेपछि भने सुनको भाउले आकाश छोएको हो ।
अन्तराष्ट्रिय बजारमा अमेरिका–चीन व्यापार युद्धका कारण लगानीकर्ता सुरक्षित लगानी खोज्दै सुनतर्फ आकर्षित हुनाले भाउ बढेको हो । नेपालमा भने नजिकिदो चाडपर्वका कारण पनि सुनको भाउ वृद्धि भएको हो । तर, भाउ बढेसँगै बजारमा खरिदकर्ताको चहलपहल भने छैन ।
व्यवसाय नै नभएको बेला ग्राहकबाट गरगहना किन्नुपर्ने बाध्यता हुँदा व्यवसायीलाई मर्का परेकाछन । सबैभन्दा बढी गरगहनाको कारोबार हुने न्युरोड क्षेत्रका पसल सुनसान देखिन्छन ।
खरिद गर्नभन्दा बरु आफ्नै गहना बेच्न आउने ग्राहक बढेको सुन व्यवसायीको भनाइ छ । गरगहना फिर्ता नलिँदा ग्राहक नै भड्किने डरले फिर्ता लिन बाध्यभएको व्यवसायीहरु बताउनछन ।
२०७६ साउन २६ गते प्रकाशित
वि.सं.२०७६ साउन २६ आइतवार १७:३५ मा प्रकाशित
