धादिङ । धादिङ गजुरी स्थित दरिँगाल खोलामा डुबेर ज्यान गुमाएकाको परिवारलाई पाँच/पाँच लाख क्षतिपूर्ति दिने सहमति भएको छ । खोलामा एक्स्काभेटरले खाडल खनेर बनाएको ठूलो रहमा डुबेर ज्यान गुमाउनेका परिवारलाई क्षतिपूर्ति दिने भएपछि आफन्तले शव बुझेका छन् ।
गजुरी –६ नवासी १८ वर्षीय भिमबहादुर स्याङ्तान, २३ वर्षीय सुमन स्याङ्तानको गहिरो खाडलमा परेर मृत्यु भएपछि आक्रोशित भिडले तीन वटा एक्स्काभेटरमा आगजनी गर्दै उचित क्षतिपूर्तिको माग गरेका थिए ।
छलफलमा व्यवसायीको तर्फबाट दुवै परिवारलाई पाँच /पाँच लाख क्षतिपूर्ति दिने सहमति गरेपछि मृतकका आफन्तले पोष्टमार्टम पछि शव बुझेर लगेको जिल्ला प्रहरी कार्यालयका प्रमुख राजकुमार बैदवारले जानकारी दिए ।
२०७६ साउन २७ गते प्रकाशित
वि.सं.२०७६ साउन २७ सोमवार १३:२३ मा प्रकाशित
