काठमाडौं । कांग्रेस सांसद अमरेशकुमार सिंहले गोंगबुस्थित नयाँ बसपार्कको जमिन दुरुपयोग गर्दै भ्रष्टाचार भएको बताएका छन।
मंगलबार भएको बैठकमा बोल्दै सिंहले गोंगबुमा बनेको बसपार्क १ सय ६५ रोपनीको भए पनि ६० रोपनी मात्र प्रयोग भएको उल्लेख गर्दै बाँकी जमिन दुरुपयोग गरिएको दाबी गरे ।
ठूला संरचना बनाउन नपाउने नियम विपरित बसपार्कको जमिनमा ठूला भवन र सपिङ कम्प्लेक्स बनाइएको भन्दै उनले आपत्ति जनाए ।
‘बसपार्क रहेको ६० रोपनी बाहेक खाली रहेको १ सय ५ रोपनी जमिन अहिले दुरुपयोग भइरहेको छ,’ उनले भने, ‘जमिन दुरुपयोग गर्नेलाई कारबाही गर्नुपर्छ र यसको छानबिन गर्न संसदीय समिति गठन हुनुपर्छ ।’
उनले यस्तै अवस्था रहे टुंडिखेल, सिंहदरबार, संसद भवन पनि विचौलियाले हिनामिना हुने अवस्था आउने तर्फ सरकारलाई सचेत गराए ।
२०७६ साउन २९ गते प्रकाशित
वि.सं.२०७६ साउन २९ बुधवार ०७:४६ मा प्रकाशित