काठमाडौं । सडक मर्मतसम्भारका लागि गत आव २०७५/७६ मा केन्द्र र स्थानीय सरकारले ५ अर्ब ७३ करोड ४४ लाख रुपैयााँ बजेट खर्च गरेका छन ।
रणनीतिक सडक र स्थानीय सडक मर्मतसम्भारका लागि सडक विभाग र स्थानीय तह (महानगरपालिका/नगरपालिका र गाउँपालिका) बाट उक्त बजेट खर्च भएको देखिएको छ ।
सडक बोर्ड नेपालको गत आवको वार्षिक प्रगति प्रतिवेदनअनुसार नियमित, पटके, आवधिक, विशेष, आकस्मिक, टोल सडक मर्मतसम्भार शीर्षकमा सरकारले कुल ६ अर्ब ३५ करोड ५२ लाख रुपैयाँ बजेट विनियोजन गरेको थियो ।
सडक मर्मतसम्भारतर्फ विभागले ४ अर्ब ९० करोड ४८ लाख रुपैयाँ र स्थानीय तहले १ अर्ब ४५ करोड ४ लाख रुपैयाँ विनियोजन गरेका थिए । बोर्डको तथ्यांकअनुसार स्थानीय तहमार्फत यो बजेटमध्ये ९३ करोड ६४ लाख खर्च भएको खवर आर्थिक अभियान दैनिकमा छ ।
मुलुकभर निर्माण सम्पन्न भएका सडकको दिगो मर्मतसम्भार तथा व्यवस्थापनको काम सडक बोर्डले गर्दै आएको छ ।
२०७६ साउन २९ गते प्रकाशित
वि.सं.२०७६ साउन २९ बुधवार ०८:४८ मा प्रकाशित