काठमाडौं । नबिल बैंकले गत आर्थिक वर्षको चौथो त्रैमाससम्म आइपुग्दा खुद नाफामा ७.८४ प्रतिशतले मात्रै वृद्धि गरेको छ ।
यस अवधिमा बैंकले ४ अर्ब २९ करोड ४१ लाख १८ हजार रुपैयाँ खुद नाफा आर्जन गरेके छ । अघिल्लो वर्ष यसै अवधिमा नबिलले ३ अर्ब ९८ करोड १८ लाख ९३ हजार रुपैयाँ खुद नाफा आर्जन गरेको थियो ।
बैंकको वितरण योग्य नाफा भने ३ अर्ब १८ करोड ४६ लाख ३९ हजार रुपैयाँ रहेको छ । चुक्ता पुँजी ९ अर्ब १ करोड १८ लाख ४५ हजार रुपैयाँ पुर्याएको छ । १२.०४ प्रतिशतले चुक्ता पुँजी बढाउन सफल भएको बैंकको सो अनुपाता नाफा नबढ्दा प्रतिसेयर आम्दानी भने केही खस्केको छ ।
बैंकको प्रतिसेयर आम्दानी अघिल्लो वर्षको तुलनामा १ रुपैयाँ ८६ पैसाले घटेर ४७ रुपैयाँ ६५ पैसामा सिमित भएको छ । नबिलको प्रतिसेयर नेटवर्थ २५८ रुपैयाँ ६ पैसा रहेको छ ।
२०७६ साउन २९ गते प्रकाशित
वि.सं.२०७६ साउन २९ बुधवार ०९:२० मा प्रकाशित
