२०७६ साउन ३० गते प्रकाशित
काठमाडौ । सरकारले खाद्य असुरक्षा रहेका दुर्गम जिल्लामा यो वर्ष डेढ लाख क्विन्टल खाद्यान्न पठाउने भएको छ । जनतामा खाद्यान्नको पहुँच पु¥याउन खाद्य व्यवस्थापन तथा व्यापार कम्पनी (साविक नेपाल खाद्य संस्थान) मार्फत एक लाख ४१ हजार क्विन्टल चामल पठाउन लागिएको हो ।
कम्पनीले एक लाख ६० हजार क्विन्टल पठाउन प्रस्ताव गरेको भए पनि ढुवानीका लागि स्वीकृत बजेटमा १३ प्रतिशत मूल्य अभिवृद्धि कर समावेश भएकाले एक लाख ४१ हजार क्विन्टल मात्र ढुवानी हुने कम्पनीले जनाएको छ ।
खाद्यान्नको जोखिम भएका दुर्गम २४ जिल्लामा ४४ करोड रुपैयाँ खर्चेर चामल ढुवानी गर्ने कम्पनीका बिक्री वितरण विभाग प्रमुख लालमोहन ठाकुरले बताए । ‘दुर्गमका जनतालाई सुलभ मूल्यमा चामल उपलब्ध गराउन ढुवानी गर्दैछौं,’ ठाकुरले भने, ‘ढुवानीका लागि ४४ करोड बजेट स्वीकृत भएको छ ।’
ताप्लेजुङ, संखुवासभा, भोजपुर, सोलुखुम्बु, ओखलढुंगा, खोटाङ, मनाङ, गोरखा, मुस्ताङ, रुकुम, रोल्पा, दैलेख, जाजरकोट, जुम्ला, हुम्ला, मुगु, डोल्पा, कालिकोट, बझाङ, बाजुरा, अछाम, बैतडी, दार्चुलालाई प्राथमिकतामा राखेर खाद्यान्न पठाउँदै आएको छ ।
खाद्य असुरक्षामा रहेका कर्णालीसहित पहाडी र उच्च पहाडी जिल्लामा सरकारी खर्चमा ढुवानी गरेर चामल पु¥याइन्छ नागरिक दैनिका समाचार छ ।
वि.सं.२०७६ साउन ३० बिहीवार १५:३४ मा प्रकाशित