काठमाडौं । कार्यक्रम सिधाकुरा जनतासँगका कार्यक्रम संचालक पत्रकार रवी लामिछाने पक्राउ परेसँगै प्रहरीले काठमाडौंमा सुरक्षा सतर्कता बढाएको छ । कोहि कसैले पनि उश्रङ्खल गतिविधि गर्न सक्ने भन्दै सतर्कता बढाइएको प्रहरीले जनाएको छ ।
काठमाडौं प्रहरी प्रमुख एसएसपी उत्तम सुवेदीले प्रहरीले अनुसन्धानका लागि सहयोग गर्न लामिछानेलाई चितवन प्रहरीको जिम्मा लगाएको र चाँडै सत्यतथ्य बाहिर आउने भन्दै यसलाई अन्यथा लिनु नपर्ने बताएका छन् । ‘कोही पनि उश्रङ्खल हुन जरुरी छैन । यदि कसैले त्यस्तो गतिविधि गरे प्र हरी नियन्त्रण गर्न सक्षम छ,’ सुवेदीले भने,‘उहाँलाई चितवन प्रहरीको जिम्मा लगाइएको छ ।
अनुसन्धानलाई सहयोग गर्न सुरक्षा निकायले अपिल समेत गरेको छ । ‘यो प्रहरीको कर्तव्य हो । भिड र कानुन छुट्टा छुट्टै विषय हो । भिडले राज्यको सिस्टमलाई नियन्त्रण गर्न सक्दैन,’ एक उच्च प्रहरी अधिकारीले भने,‘आम सर्वसाधरणले प्रहरीको कदमलाई सहयोग गर्नुपर्छ ।’
२०७६ साउन ३१ गते प्रकाशित
वि.सं.२०७६ साउन ३१ शुक्रवार ११:२४ मा प्रकाशित