नेपाल विद्युत प्राधिकरणले कर्मचारीलाई दिने भयो बोनस, कति पाउने भए त बोनस ?

काठमाडौं । नेपाल विद्युत प्राधिकरणले कर्मचारीलाई बोनस दिने भएको छ । उर्जा जलश्रोत तथा सिंचाई मन्त्री वर्षमान पुनले प्राधिकरणका कर्मचारीलाई बोनस दिने निर्णय भएको जानकारी दिनुभएको छ ।

‘प्राधिकरणले आर्जन गरेको मुनाफाबाट कर्मचारीलाई बोनस उपलब्ध गराउने निर्णय भएको छ’ प्राधिकरणको ३४ औं वार्षिकत्सवमा उहाँले भन्नुभयो, ‘सबै तहका कर्मचारीले जनही ७ हजारका दरले मुनाफा पाउँछन।

निजामति कर्मचारीका लागि सरकारले वृद्धि गरेकै अनुपातमा सबै कर्मचारीको मासिक तलब भत्ता पनि वृद्धि गरिएको छ ।’
मन्त्री पुनले कर्मचारीले महंगी भत्ता वापत प्रतिमहिना २ हजार पाउने उल्लेख गर्नुभयो । यसअघि प्राधिकरणले कर्मचारीहरुको मंहगी भत्ता रोकेको थियो ।

मन्त्री पुनले प्राधिकरण नाफामा जानु र त्यहाँ कार्यरत कर्मचारीको सेवा सुविधा बढ्नुले यो वर्ष गौरवको र उपलब्धिको वर्ष भएको भन्दै खुशी व्यक्त गर्नुभयो । प्राधिकरणले आर्थिक वर्ष २०७५/७६ मा ७ अर्ब २० करोड नाफा कमाएको छ ।

२०७६ भदौ २ गते प्रकाशित

२०७६ भदौ २ गते ११:३९ मा प्रकाशित

You can share this post!

घुससहित रेस्टुरेन्टबाट सव–इन्जिनियर समातिए

सबैभन्दा बढी शेयरमूल्य रहेको युनिलिभर नेपाल लिमिटेडको कारोबार

Related posts