काठमाडौं । यूनाइटेड इन्स्योरेन्स कम्पनीले २४० प्रतिशत हकप्रद शेयर आज( भदौ ३) देखि जारी गर्ने भएको छ ।
कम्पनीले असोज ६ गतेसम्मका लागि १ बराबर २ दशमलव ४ को अनुपातमा ७२ लाख ५७ हजार ६०० कित्ता हकप्रद शेयर जारी गर्न लागेको हो ।
हकप्रद प्रयोजनका लागि कम्पनीले साउन १४ गते बुक क्लोज गरेकाले साउन १३ गतेसम्म कायम शेयरधनीहरुले मात्र हकप्रद भर्न सक्नेछन ।
कम्पनीको हकप्रद विक्री प्रबन्धक एनएमबि क्यापिटल लिमिटेड रहेको छ । हाल कायम चुक्तापूँजी रू. ३० करोड २४ लाख रुपैयाँबाट हकप्रद निष्कासन गर्न लागेको हो ।
हकप्रद विक्रीपछि चुक्तापूँजी रू. १ अर्ब २ करोड ८१ लाख ६० हजार पुग्नेछ । यस हकप्रदलाई इक्रा नेपालले औषतभन्दा कमजोर आधार जनाउने इक्रा ग्रेड ४ रेटिङ प्रदान गरेको छ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार ०७:२० मा प्रकाशित
