काठमाडौं । दाङ जिल्लास्थित गोरक्ष पात्रदेव सिद्ध रत्ननाथ मठको नाममा रहेको २—१९—१२ क्षेत्रफल भएको जग्गामा कसैको पनि मोहियानी हक दाबी पुग्न नसक्ने भनी सोमवार सर्वोच्च अदालतले आदेश गरेको छ ।
न्यायाधीशहरू डा. आनन्दमोहन भट्टराई, तेजबहादुर केसी र डम्बरबहादुर शाहीको पूर्ण इजलाशले सो जग्गामा आफूलाई मोही कायम गरी जग्गा छुट्याउन माग गर्दै दायर भएको रीट निवेदन खारेज गर्दै राज गुठीमा मोही कायम हुन नसक्ने आदेश गरेको हो ।
सो जग्गामा आफ्ना बाबु झुथरा थारु मोही भई जग्गा कमाइ गरेको र उनको परलोक भएपछि त्यसको हकदार आफू भएको उल्लेख गरी त्यसमा मोही हक कायम गरी जग्गा दिलाइदिन मागसहित २०६६ सालमा सुन्दरलाल थारुले सर्वोच्चमा रीट निवेदन दायर गरेका थिए ।
२०७६ भदौ ३ गते प्रकाशित
वि.सं.२०७६ भदौ ३ मंगलवार ०७:५९ मा प्रकाशित
