काठमाडौं । सुन्दर यातायात प्रालिले आगामी साताभित्र विद्युतीय बस सञ्चालनमा ल्याउने भएको छ । सम्पूर्ण तयारी पूरा भएकाले अर्को साता सञ्चालन गरिसक्ने कम्पनीले जानकारी दिएको छ ।
९ गतेभित्र बस सञ्चालनको योजना रहेकोमा अन्य केही कारणले मिति सरे पनि दोस्रो साता ननाघ्ने कम्पनीका अध्यक्ष भेषबहादुर थापाले बताउनुभयो ।
कम्पनीले चिनियाँ कम्पनी बीएकेले उत्पादन गरेका सात बस सञ्चालन गर्न लागेको हो । कम्पनीका दुईओटा बस यसअघि नै नेपाल आइसकेका छन ।
यस्तै पाँचओटा बस आइतवार कोलकाता आइपुगेकाले केही दिनमै नेपाल भित्रने कम्पनीले जनाएको छ । यी बस सञ्चालन भएको १ महीनाभित्र थप ११ ओटा बसबाट सेवा दिइने थापाले जानकारी भयो ।
उक्त बसको भाडा अन्य सार्वजनिक यातायातको भन्दा २५ प्रतिशतसम्म सस्तो हुने कम्पनीको दाबी छ । कम्पनीले कार्डमार्फत भाडा तिर्न मिल्ने व्यवस्था गर्ने भएको छ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार ०८:५० मा प्रकाशित