काठमाडौं । सगरमाथा इन्स्योरेन्स कम्पनी लिमिटेडले गत आव २०७५/७६ को अन्तिम त्रैमासिक वित्तीय विवरण सार्वजानि गरेको छ ।
कम्पनीले गत आवमा २ अर्ब १७ करोड रुपैयाँ बीमा शुल्क आर्जन गरेको छ । कम्पनीले अघिल्लो आवमा १ अर्ब ८३ करोड आर्जन गरेको थियो ।
कम्पनीको आम्दानी अघिल्लो आवको तुलनामा घट्न पुगेकाले नाफा २० प्रतिशत घटेको छ । अघिल्लो आवमा ५९ करोड १७ लाख रुपैयाँ आम्दानी गरेको कम्पनीले गत आवमा ४७ करोड ७३ लाख रुपैयाँ मात्र आम्दानी गरेको छ ।
कम्पनीले अघिल्लो आवमा ३४ करोड ७७ लाख रुपैयाँ नाफा गरेको थियो भने गत आवमा २७ करोड ६५ लाख रुपैयाँ गरेको छ । चुक्तापूँजी १ अर्ब ९१ करोडरुपैयाँ पुगेको छ । कम्पनीले जगेडा कोषमा ३४ करोड ३२ लाख रुपैयाँ जम्मा गरेको छ ।
कम्पनीले ९५ करोड ६१ लाख रुपैयाँ कुल दाबि भुक्तानी गरेको छ भने ८५ करोड ७२ लाख रुपैयाँ भुक्तानी गर्न बाँकी रहेको छ । कम्पनीको प्रतिशेयर आम्दानी २७ दशमलव ६२ रहेको छ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार १३:३८ मा प्रकाशित