काठमाण्डौं । सोमबार बसेको मन्त्रिपरिषद्को बैठकले सचिवहरुको सरुवा सम्बन्धी निर्णय गरेको छ । सोहि आधारमा मन्त्रिपरिषद बैठकले ठूलो संख्यामा सचिव सरुवा गरेको छ।
सरुवासम्बन्धी निर्णय प्रमाणीकरण भने भइसकेको छैन्। सरुवा सम्बन्धी निर्णय आज अर्थात् मंगलबार बेलुकी सम्म प्रमाणीकरण हुने मन्त्रिपरिषद कार्यालय स्रोतले जनाएको छ। प्रधानमन्त्री र मन्त्रीबीच भएको कार्यसम्पादन सम्झौतापछि धमाधम सचिवहरुसँग पनि सम्झौता भइरहेका बेला सचिवहरुको सरुवा गरिएको हो।
अर्थमा राजन खनाल र लालशंकर घिमिरे सचिव रहेका छन् । दुवै सचिवको सरुवा भएको जानकारी प्राप्त भएको छ। घिमिरेले भदौ १० गतेबाट अवकाश समेत पाउँदैछन् भने खनाल माघमा अवकाश पाउने सूचीमा छन् । गृह सचिव भने यथावत राखिएको छ। राष्ट्रिय पुनर्निर्माण प्राधिकरण र खानेपानी मन्त्रालयमा नयाँ सचिव पठाइएको छ। यस्तै, संघीय मामिला तथा सामान्य प्रशासन, उद्योग र पर्यटन सचिवको पनि सरुवा भएको स्रोतले जनाएको छ ।
अहिले राष्ट्रिय पुनर्निर्माण प्राधिकरण र खानेपानी मन्त्रालय, युवा तथा खेलकुद मन्त्रालय र राष्ट्रिय महिला आयोगमा सचिव पद रिक्त रहेका छन्।
२०७६ भदौ ३ गते प्रकाशित
वि.सं.२०७६ भदौ ३ मंगलवार १४:०५ मा प्रकाशित
