काठमाडौं । गुराँस लाइफ इन्सुरेन्सले ७ करोड ६४ लाख ३५ हजार रुपैयाँ खुद नाफा आर्जन गरेको छ । नाफा अघिल्लो वर्षको भन्दा ९० प्रतिशत धेरै हो ।
कम्पनीले अघिल्लो वर्ष यसले ४ करोड १ लाख ५२ हजार रुपैयाँ मात्र खुद नाफा कमाएको थियो । कम्पनीले खुद बिमा शुल्क पनि ३०.६३ प्रतिशतले बढाएर १ अर्ब ८९ करोड २२ लाख पुर्याएको छ । अघिल्लो वर्ष १ अर्ब ४४ करोड ८४ लाख रुपैयाँ खुद बिमा शुल्क आर्जन गरेको थियो ।
बिमा कोष ४ अर्ब २३ करोड १९ लाख रुपैयाँबाट बढाएर ५ अर्ब ८२ करोड २२ लाख रुपैयाँ , महाविपत्ति कोषमा ३ करोड ५९ लाख रुपैयाँ राखेको छ ।
हाल यस कम्पनीको चुक्ता पुँजी ९२ करोड ९४ लाख रुपैयाँ, रिजर्भ कोषमा २७ करोड ९३ लाख रुपैयाँ छ । कम्पनीको प्रतिसेयर आम्दानी ८ रुपैयाँ २२ पैसा (वार्षिक) र प्रतिसेयर नेटवर्थ १३३ रुपैयाँ ९२ पैसा छ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार १४:४७ मा प्रकाशित