२०७६ भदौ ३ गते प्रकाशित
काठमाडौं । मकवानपुरको राक्सिराङ गाउँपालिका ३ स्थित पलासे नदी छेउबाट ८१ किलो गाँजासहित एक जनालाई सोमबार राति प्रहरीले पक्राउ गरेको छ ।
सप्तरी जिल्लाको डाक्नेश्वरी गाउँपालिका ९ का ४० वर्षीय घुरन साह ८१ किलो ७ सय ६० ग्राम गाँजासहित पक्राउ परेको मकवानपुरका प्रहरी उपरीक्षक मुकेश कुमार सिंहले जानकारी दिनुभयो ।
प्लाष्टिकको चार वटा बोरामा लुकाएर राखिएको गाँजा बरामद भएको प्रहरीले जनाएको छ । गाँजा ओसारपसार भइरहेको सुचना पाएर पुगेको प्रहरीले उनलाई पक्राउ गरेको सिंहले जानकारी दिनुभयो ।
वि.सं.२०७६ भदौ ३ मंगलवार १५:४५ मा प्रकाशित