इटहरी । सय केजी धान चोरी गर्ने इटहरीका एक युवा जेल चलान भएका छन। इटहरी वडा नं. १० का २२ वर्षीय हेमनारायण चौधरी जेल चलान भएका हुन ।
मंगलबार जिल्ला अदालत सुनसरीका न्यायधीश मणीराज न्यौपानेले गरेको फैसला अनुसार, हेमनारायणलाई दुर्ई हजार आठ सय धरौटी माग गर्दा बुझाउन नसकेपछि जेल चलान भएका हुन ।
उनले साउन १० गते इटहरी वडा नं. १० कै मुखन चौधरीको घरबाट प्लाष्ट्रिकको बोरामा राखेको सय केजी धान चोरी गरेको आरोपमा प्रहरीले पक्राउ गरि मुद्धा चलाएको थियो ।
यस्तै, मोवाइल चोरी गर्ने इटहरी वडा नं. १० कै ३२ वर्षे रिजाउदिन मियाँ धरौटीमा छुटेका छन । साउन ११ गते इनरुवा वडा नं. ९ का मुकेश शर्माको मोवाइल चोरी गरेको आरोपमा प्रहरीले पक्राउ गरि मुद्धा चलाएकोमा मियाँसँग दस हजार रुपैयाँ धरौटी माग गरिएको थियो।
न्यायधीश खिमानन्द भुसालको आदेशमा धरौटी बुझाएर छुटेका हुन ।
२०७६ भदौ ४ गते प्रकाशित
वि.सं.२०७६ भदौ ४ बुधवार ०८:०८ मा प्रकाशित