काठमाडौं । नेपाल स्टक एक्सचेन्ज (नेप्से) ले बैंकका सहायक कम्पनीलाई ब्रोकर लाइसेन्स दिने कार्य स्थगन गरेको छ ।
अर्थ समितिबाट साउन ३० गते लाइसेन्स वितरण प्रक्रिया तत्काल रोक्न पत्र प्राप्त भएको नेप्सेले उल्लेख गरेको छ ।
धितोपत्र बोर्डको निर्देशनका आधारमा नेप्सेले साउन १७ गते वाणिज्य बैंकहरुलाई सहायक कम्पनी खोली ब्रोकर लाइसेन्स लिनका लागि आव्हान गरेको थियो ।
तर पछि अर्थ समितिले यस सम्बन्धमा थप अध्ययन गर्न भन्दै उपसमिति गठन गरेको छ । उपसमितिले २ महिनाभित्र प्रतिवेदन पेश गर्नेछ ।
सोही प्रतिवेदनका आधारमा अघि बढ्नुपर्ने भन्दै तत्काल लाइसेन्स वितरण कार्य रोकिएको नेप्सेले जानकारी गराएको छ । अर्थ समितिले रामकुमारी झाँक्रीको संयोजकतत्वमा ५ सदस्यीय उपसमिति गठन गरेको हो ।
२०७६ भदौ ४ गते प्रकाशित
वि.सं.२०७६ भदौ ४ बुधवार १०:२२ मा प्रकाशित