काठमाडौं । आप्रवासन सम्बन्धी संयुक्त राष्ट्र संघीय निकाय अन्तराष्ट्रिय आप्रवासन संगठन (आईओएम)ले दुई अर्ब ८४ करोड रुपैयाँ सहायता गर्ने भएको छ ।
आईओएमले तीन वर्षे रणनीति (२०१८–२०२०) अनुसार नेपाललाई यो सहायता गर्न लागेको हो । आईओएमले एक अर्ब २८ करोड रुपैयाँ सहयोग गर्ने रणनीतिमा उल्लेख थियो । यद्यपि, प्रक्रियागत ढिलाइका कारण उक्त प्रस्ताव अघि बढ्न सकेको थिएन ।
आप्रवासनसम्बन्धी समस्या समाधान गर्न आईओएमले कार्यक्रम सञ्चालन गर्न लागेको अर्थ मन्त्रालयले जानकारी दिएको छ ।
क्षमता विकास, परामर्श सेवा र प्राविधिक सहयोगका कार्यक्रम नेपालमा सञ्चालन हुनेछन्। कार्यक्रमका लागि सहयोग गर्ने अर्थ मन्त्रालयले सहमति जनाएको छ ।
आईओएमलाई पनि अन्य राष्ट्र संघीय निकाय सरह सेवा दिने अर्थले जनाएको छ । यसका लागि परराष्ट्र मन्त्रालयले कूटनीतिक सहजीकरण गर्नेछ ।
२०७६ भदौ ५ गते प्रकाशित
वि.सं.२०७६ भदौ ५ बिहीवार १३:४१ मा प्रकाशित
