सिन्धुपाल्चोक । मेलम्चीको खानेपानी आयोजनामा सुरुङसहित अन्य निर्माणको जिम्मा पाएको इटालियन कम्पनी सीएमसीले १ अर्ब ६८ करोड रुपैयाँ नतिरी ठेक्का तोडेर फर्किंदा स्थानीय सप्लायर्स, मजदुरलगायतको बिचल्ली भएको छ ।
आयोजना निर्माणका क्रममा सामग्री उधारो दिएका सप्लायर्स र काम गर्ने मजदुरले पैसा नपाएका कारण चर्काे ब्याजमा लिएको ऋण तिर्न नसक्ने अवस्थामा पुगेपछि उनीहरू बिचल्लीमा परेका हुन ।
सीएमसीले ठेक्का तोडेर नै महिनाअघि नै हिँडेको थियो । सीएमसी आफ्नै देश फर्केयता मेलम्चीको काम ठप्प छ । आयोजना र नेपाल सरकारले जफत गरेको रकम आफूहरूले पाउनुपर्ने माग उनीहरूको छ ।
सीएमसीको धरौटी, आयोजनाबाट भुक्तानी हुन बाँकी १ अर्ब मूल्य बराबरको उपकरण, निर्माण सामग्रीलगायतका रकम आयोजना र नेपाल सरकारले जफत गरेको थियो ।
सो रकम आफूहरूले पाउनुपर्ने भन्दै बिहीबार पीडितहरूले जिल्ला प्रशासन कार्यालयमा ज्ञापन पत्र पेश गर्दै सहज वातावरणका लागि प्रमुख जिल्ला अधिकारीसामू आग्रह गरेका छन । कारोवार दैनिकमा समाचार छ ।
२०७६ भदौ ६ गते प्रकाशित
वि.सं.२०७६ भदौ ६ शुक्रवार १०:५० मा प्रकाशित
