७.५% बोनस प्रस्ताव सहित नेपाल इन्सुरेन्सको आज एजीएम

काठमाडौं । नेपाल इन्सुरेन्सको ७० औं वार्षिक साधारण सभा आइतबार (भदौ ८ गते) एयरपोर्ट होटल सिनामंगल काठमाडौंमा बिहान ११ बजे सुरु हुँदैछ ।

सभामा कम्पनीले लगानीकर्तालाई ७.५ प्रतिशत बोनस सेयर वितरण गर्ने प्रस्ताव पेश गर्नेछ । तर बोनसमा लाग्ने कर तिर्ने झन्झट भने सेयरधनी आफैंले व्यहोर्नुपर्नेछ ।

आर्थिक वर्ष २०७४–७५ को वार्षिक प्रतिवेदन सहित २०७५ असार मसान्त सम्मको वासलात लगायत अन्य प्रतिवेदन पारित गर्ने प्रस्ताव पनि हुनेछ । आर्थिक वर्ष २०७५/७६ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि छ ।
असार मसान्त सम्ममा यसको चुक्ता पुँजी १ अर्ब १ करोड ९१ लाख रुपैयाँ छ । कम्पनीले गत आर्थिक वर्षको चौथो त्रैमासमा १८ करोड ५ लाख ८० हजार रुपैयाँ खुद नाफा कमाएको छ ।

प्रतिसेयर आम्दानी १७ रुपैयाँ ७२ पैसा (वार्षिक) रहको यस कम्पनीको प्रतिसेयर नेटवर्थ भने १६४ रुपैयाँ २७ पैसा छ ।

२०७६ भदौ ८ गते प्रकाशित

२०७६ भदौ ८ गते १०:१५ मा प्रकाशित

You can share this post!

थाहा छ नि ! एभरेष्ट इन्सुरेन्सको ५ लाख २९ हजार कित्ता सेयर लिलामी भर्ने आज अन्तिम दिन

गलत तरिकाले भरिएका अध्यापन अनुमतिपत्रको आवेदन फारम सच्याउन अवसर

Related posts