हेटौंडा । सिमेन्ट मिलमा बिग्रिएको बेरिङ फेर्न नसक्दा दुई सातादेखि हेटौंडा सिमेन्ट उद्योग बन्द छ । उद्योग प्रशासनले बेरिङ फेर्न ढिलाइ गर्दा दैनिक ७० लाख रुपैयाँभन्दा बढी नोक्सानी व्यहोर्दै आएको छ।
उद्योगले एक दिनमा चार सय ५० मेट्रिक टनसम्म सिमेन्ट उत्पादन गर्दै आएको छ । एक मेट्रिक टनमा ५० केजीको २० बोरा सिमेन्ट हुन्छ ।
उद्योगले प्रतिबोरा आठ सय २६ रुपैयाँमा सिमेन्ट बिक्री गर्दै आएको छ ।सिमेन्ट मिल बन्द भएपछि सिमेन्ट उत्पादनसँगै बिक्री पनि बन्द छ ।
२०४२ सालबाट सिमेन्ट उत्पादन सुरु गरेको उद्योगले धादिङको जोगिमारा, मकवानपुरको आमभञ्ज्याङस्थित मजुवा, भैँसे र ओखरे खानीबाट चुनढुंगा उत्खनन गर्दै आएको छ ।
२०७६ भदौ ०९ गते प्रकाशित
वि.सं.२०७६ भदौ ९ सोमवार १६:५६ मा प्रकाशित