जाजरकोट । पश्चिम रुकुमको आठबिसकोट नगरपालिका राडि बजारबाट नेपालगञ्जका लागी छुटेको बस दुर्घटना भएको छ ।
मंगलबार साझ ५ बजे राडीदेखि नेपालगञ्जका लागि छुटेको भेरी गंगा यातायात व्यवसायी समितिकोे ना ४ ख ९३१७ नम्बरको बस दुर्घटना भएको हो ।
बिहान ४ बजेतिर गाडीको ब्रेक फेल भएर सुखेतको हर्रेको एमाले मोड नजिकै दुर्घटना भएको जिल्ला ट्राफिक कार्यालय सुर्खेतले जनाएको छ । दुर्घटनास्थलबाट अहिलेसम्म ३ जनाको शव निकालिएको छ । शवको सनाखत भने भइसकेको छैन ।
घाइते २५ जनालाई कोहलपुर मेडिकल कलेजमा पठाएको प्रहरीले जनाएको छ । घाइतेको उद्धारको लागि टोली परिचालन गरिएको ट्राफिक प्रहरीले जनाएको छ ।
दुर्घटनामा चालक, ४ बालबलिका, ८ महिला, १३ पुरुषसहित २५ जना घाइते भएको ट्राफिक प्रहरीको भनाइ छ ।
२०७६ भदौ ११ गते प्रकाशित
वि.सं.२०७६ भदौ ११ बुधवार ०८:१५ मा प्रकाशित
