काठमाडौं । केन्द्रीय सरकारका विभिन्न मन्त्रालय तथा निकायमा लामो समयदेखि झन्डै ७ हजार कर्मचारीको दरबन्दी रिक्त रहेको छ ।
केन्द्रीय सरकारमै त्यति धेरै कर्मचारी अभाव हुँदा पनि संघीय मामिला तथा सामान्य प्रशासन मन्त्रालयले पदपूर्ति प्रक्रिया भने थाल्न सकेको छैन ।
कर्मचारी अभाव हुँदा नीति निर्माण तहदेखि सेवा प्रवाहसम्ममा समेत गम्भीर समस्या परिरहेको अधिकारीहरूले बताएका छन ।
संघीय मामिला तथा सामान्य प्रशासन मन्त्रालयका अनुसार हाल केन्द्रीय सरकारमा खरिदारदेखि सहसचिवसम्मका विभिन्न सेवा समूहमा गरी ७ हजार पद रिक्त रहेका हुन ।
जसअनुसार नीतिगत तहमा महत्वपुर्ण भूमिकामा रहने सहसचिवमा मात्रै १६३ पद रिक्त छ । यसैगरी ३ सयको संख्यामा उपसचिव र ६ सयको संख्यामा शाखा अधिकृत पद रिक्त रहेको मन्त्रालयले जनाएको छ ।
मन्त्रालयका अनुसार खरिदार, सुब्बालगायतका राजपत्र अनंकित गरी विभिन्न पदमा झन्डै ६ हजार कर्मचारी रिक्त अवस्थामा छन ।
केन्द्रका सबै रिक्त पदमा विज्ञापन माग्ने गरी आवश्यक गृहकार्य अघि बढाइएको छ । संघीय मामिला तथा सामान्य प्रशासन मन्त्रालयले भने छिट्टै पदपूर्ति थालिने बताएको छ । -राजधानी दैनिकमा समाचार छ ।
२०७६ भदौ ११ गते प्रकाशित
वि.सं.२०७६ भदौ ११ बुधवार ०९:५३ मा प्रकाशित
